Një vdekje e dyshimtë është raportuar në Veternik, ku një person është gjetur pa shenja jete brenda një automjeti.
Rastin e ka konfirmuar për Tëvë1 zëdhënësi i Policisë së Kosovës për rajonin e Prishtinës, Enis Pllana, i cili bëri të ditur se hetimet kanë nisur menjëherë.
“Policia, në koordinim me Prokurorin e Shtetit, ka nisur një hetim lidhur me këtë vdekje dhe po vazhdon me ndërmarrjen e të gjitha veprimeve hetimore dhe ekzaminuese, të cilat do të ndihmojnë në sqarimin e plotë të rrethanave të rastit”, ka deklaruar Pllana.
Sipas tij, për momentin nuk janë dhënë detaje shtesë mbi identitetin e viktimës apo rrethanat në të cilat ka ndodhur vdekja.
Autoritetet kompetente janë duke vazhduar hetimet, ndërsa priten informacione të reja zyrtare lidhur me këtë rast.
