E ftuar në emisionin “Respublika” në Tëvë 1, ajo deklaroi se vetë Rama i është përgjigjur këtyre dilemave gjatë mbledhjes së dy qeverive.
“Mendoj që Rama vet ju përgjigj kësaj pyetje me një simbolikë që e mori gjatë takimit ne jemi shqiptarë në njëfarë mënyrë dhe forme jemi vëllezër të një gjaku, por që si të them vet tiparet tona, dinamika e komunikimit dhe shprehjet i kemi shumë hiperaktivitet dhe kjo qasje Ramës në raport me Kosovën po e sjell në situata ku po komentohet dhe elaborohet”, tha ajo.
Madje, Kusari-Lila theksoi se edhe pse ka mospajtime mes dy kryeministrave, Albin Kurti dhe Edi Rama, “nuk do të thotë të luftojmë njëri-tjetrin”.
“Natyrisht se do të ketë mospajtime, kemi edhe iniciativa, mendime, veprime të cilat mund të mos pajtohemi por që nuk pajtohemi s’do të thotë të luftojmë njëri-tjetrin, kjo besoj që ishte mesazhi i ditës së sotme”, shtoi ajo.
Tutje, shefja e GP të LVV-së ka komentuar edhe vizitën e Ramës te familja e ish-presidentit të Kosovës, Hashim Thaçi por edhe me partitë opozitare.
“Nuk e shoh mendoj që komunikimi me partitë në pushtet kanë krijuar edhe raportet e veta kanë shkuar më shumë se një dekadë dhe nuk mund të abstrahohen vetëm për një moment në ndryshim ai deklaroi edhe sot edhe të tjerët e kanë parë kushdo që ka preferenca për partitë opozitare, por është vullneti i qytetarëve që i përcakton fituesit e zgjedhjeve ndërsa komunikimet dhe kontaktet janë të natyrshme”, tha ajo./teve1.info/
