Një person u vra në një sulm me dron izraelit në Libanin jugor të martën, në një shkelje të re të marrëveshjes së armëpushimit në fuqi që nga nëntori i vitit 2024, raportuan mediat libaneze.
Agjencia shtetërore e lajmeve NNA tha se sulmi kishte në shënjestër një motoçikletë në qytetin Batouliyeh në distriktin Tyre.
Identiteti i personit të vdekur nuk ishte ende i qartë, bën të ditur Anadolu.
Shkeljet e armëpushimit nga Izraeli kanë vrarë dhe plagosur qindra libanezë, ndërsa Izraeli vazhdon të mbajë të pushtuar pesë kodra libaneze të pushtuara gjatë luftës së fundit, përveç zonave të tjera libaneze që i ka mbajtur për dekada të tëra.
Izraeli filloi operacionet ushtarake kundër Libanit në tetor 2023 dhe i përshkallëzoi ato në një luftë në shkallë të plotë në shtator 2024, duke vrarë më shumë se 4,000 njerëz dhe duke plagosur rreth 17,000 të tjerë.
