Artan Nimani nga Nisma Socialdemokrate ka komentuar aksionin e Prokurorisë në Prizren, duke theksuar se manipulimi i votave nuk mund të jetë veprim i një individi, por rezultat i një skeme të mirë organizuar dhe të koordinuar.
Ai tha se problemin nuk duhet ta bartë vetëm Prizreni, pasi që sipas tij as rajonet tjera të Kosovës nuk duhet të amnistohen.
Ai shton se personat e arrestuar, megjithëse të deleguar nga partitë politike, kanë kontrata me KQZ-në dhe janë trajnuar si nëpunës të saj, dhe nuk përfaqësojnë vetëm petkun partiak.
Sipas tij, ky sistem duket si një formë e qëllimshme për devijimin e rezultatit të zgjedhjeve në favor të individëve, qoftë me apo pa vetëdije të tyre.
“Personat e arrestuar kanë qenë zyrtarë të partive, por që kanë kontratë me KQZ-në që janë trajnuar aty dhe janë nëpunës të saj. Pra, nuk përfaqësojnë petkun partiak, ndonëse janë të deleguar nga partitë. Këtu nuk po duket diçka në rregull, si një formë që qëllimisht me deviju rezultatin e zgjedhjeve në favor të individëve. Me ose pa vetëdijeve e tyre, me ose pa dëshirën e tyre”, deklaroi ai në emisionin “Ditari” në Tëvë1. /teve1.info/
