Kryetari i Partisë Demokratike të Kosovës, Bedri Hamza, ka vizituar kryetarin e Komunës së Drenasit, Ramiz Lladrovci.
Përmes një postimi në Facebook, Hamza bëri të ditur se gjatë takimit ata diskutuan çështje të ndryshme, duke përfshirë mbështetjen për familjet e prekura nga vërshimet dhe përgatitjet për zgjedhjet e brendshme të partisë, të cilat pritet të nisin këtë pranverë.
Ai theksoi se Lladrovci “po e dëshmon çdo ditë se puna dhe përkushtimi i pakompromis janë çelësi i suksesit në shërbim të qytetarëve”.
Sipas Hamzës, ata ranë dakord të takohet sërish më 17 shkurt në Prishtinë, gjatë marshit mbështetës për çlirimtarët e Kosovës në Hagë.
