Njëri pas tjetrit, u sollën duarlidhur.
Momir Pantiq si ish kryeshef i stacionit policor në Istog, dhe Zharko Zariq si ish polic, vazhduan betejën gjyqësore për akuzat për krime lufte.
Dyshja u përballë me dëshminë tronditëse të Ylber Lipës, të cilit nga krimet e policisë serbe iu vranë mizorisht nëntë familjarë.
Derisa i gjetën trupat, Lipa tregoi se kaluan disa ditë.
Pasi trupat ishin varrosur, Lipa tregoi se atyre iu bë një ekspertizë nga mjekë spanjollë.
Përmes një media spanjolle e kuptoi më pas përmbajtjen e kësaj ekspertize.
Pyetje ndaj dëshmitarit pati edhe Pantiq, me përgjigjet e të cilit nuk ishte i kënaqur i akuzuari, çka solli edhe një përplasje mes tyre.
“Dëshmitari është i njohur si manipulator dhe nuk po e thotë të vërtetën”, tha i akuzari Pantiq
“Ky është vrasës”, ishte reagimi i dëshmitarit Lipa.
Momir Pantiq në cilësinë e ish kryeshefit të stacionit policor në Istog dhe Zharko Zariq në cilësinë e ish policit, akuzohen për krime lufte në komunën e Istogut.
Sipas aktakuzës, këta dy janë përgjegjës për vrasje, keqtrajtime, plaçktije e djegie të shtëpive të popullsisë civile.
Aktakuza e ngarkon Pantiqin edhe me përgjegjësi komanduese, për kidnapimin dhe dhunimin e dy civilëve shqiptar.
