Komuna e Gjilanit ka njoftuar se edhe për vitin 2026 do të subvencionojë qiranë e banimit për familjet që nuk kanë banesë apo shtëpi në pronësi dhe gjenden në gjendje të rëndë ekonomike.
Drejtoria e Shëndetësisë dhe e Mirëqenies Sociale ka hapur tashmë thirrjen për aplikim, e cila mbyllet më 30 janar 2026.
Të drejtë aplikimi kanë familjet rezidente në Komunën e Gjilanit që përmbushin këto kritere.
Kryetari i Komunës, Alban Hyseni, ka bërë të ditur se subvencionimi i qirasë është njëra nga politikat që po vazhdohet nga mandati i parë në të dytin.
“163 mijë euro i kemi financuar në mandatin e parë dhe këtë mbështetje po e vazhdojmë edhe gjatë këtij mandati”, tha Hyseni.
Ai u bëri thirrje të gjithë familjeve që kanë nevojë për ndihmë për banim të aplikojnë sa më parë, duke kujtuar se afati për aplikim po afron.
