Mëngjesin e së martës shumë qytetarë në Kosovë u zgjuan në mungesë të energjisë elektrike.
Kjo për shkak të reduktimeve të rrymës të cilat erdhën si shkak i një kërkese nga Operatori i Sistemit, Transmisionit dhe Tregut – KOSTT.
Sipas njoftimit të KOSTT-it, kërkesa bë për shkak se u rrezikua dhe u cenua sistemi elektroenergjetik i Kosovës, si shkak i disa nominimeve të gabuara nga KESCO.
“Sot, më 20.01.2025, KESCO ka nominuar rreth 26.17% më pak energji sesa kërkesa reale, duke e çuar Zonën e Kontrollit KOSTT në jo balanca mesatare prej rreth 211 MË orë, ndërsa në disa orë këto jo balanca tejkalojnë 260 MË orë. Kjo situatë është e papranueshme dhe cenon stabilitetin e sistemit elektroenergjetik. KOSTT bëri thirrje që nominimet të reflektojnë saktë kërkesën reale dhe të korrigjohen menjëherë, për të shmangur devijimet dhe për të ruajtur sigurinë e sistemit”, ka njoftuar KOSTT.
Nga KOSTT kanë theksuar se janë të detyruar që të kërkojnë reduktime të energjisë elektrike.
Pas këtij njoftimi, edhe KESCO doli me një komunikatë, duke treguar se po operojnë në kushte të vështira dimërore.
“Në periudhat kur prodhimi vendor mbetet i ulët, nevoja për import të energjisë elektrike rritet ndjeshëm. Megjithatë, mundësitë për sigurimin e energjisë nga importi janë të kufizuara për shkak të kushteve teknike të sistemit elektroenergjetik në të cilin operon Kosova, duke e bërë të vështirë mbulimin e plotë të kërkesës në çdo moment”, thuhet në njoftimin e KESCO.
Sipas ekspertit të energjisë, Adhurim Haxhimusa, rënia e bllokut B2 dhe A3 ka bërë që të ulet prodhimi vendor i rrymës.
Por ai kërkon transparencë nga KESO për arsyet që po dërgojnë në vështirësimin e importit të energjisë elektrike.
“Nëse KESCO ka vështirësi në importon e kësaj sasie të nevojshme për të mbajtur, siguruar furnizim stabil atëherë ajo duhet të komunikojë duhet të jetë transparent dhe të tregoj arsyet se pse ka ardhur tek kjo ,a është për shkak te monopoleve që i kemi në linjën e tregtarëve apo është për shkak te rregullave te të cilat janë të përcaktuara nga ZRRE, për shkak se për sasinë e importit ajo duhet të nga ZRRE”, ka thënë Haxhimusa.
Ndërprerja e paparalajmëruar e energjisë elektrike, sipas Odës së Afarizmit do të ketë edhe pasojat të mëdha tek bizneset.
“Ndalja e dhunshme e energjisë është duke shkaktuar për çdo ditë e me tepër demë bizneseve sidomos sektorit të prodhimit dhe këto dëme janë shumëfishtë te shtrenjta, dmth ti po e ndal energjinë, biznesi përves që po pëson dëmin në makineri pastaj edhe në prodhim… dhe ajo cka është me e keq është fakti se ti ke detyruar bizneset të rrisin pagën minimale e ti në ëktë rast je detyruar të dërgosh punëtorët në shpi”, u shpreh Ahmeti.
Reduktime të energjisë pati gjatë gjithë ditës në shumë qytete.
Tëvë 1 ka dërguar pyetje në KOSTT nëse do të ketë orar të ndërprerjeve të energjisë elektrike, por deri tani nuk ka marrë përgjigje.
