Sekretari i Thesarit të SHBA-së, Scott Bessent, u ka kërkuar vendeve evropiane të mos hakmerren ndaj tarifave tregtare të SHBA-së të shpallura për shkak të kundërshtimit ndaj kontrollit amerikan tw Grenlandës .
Duke folur në Davos, gjatë Forumit Ekonomik Botëror, Bessent tha se vendet dhe kompanitë duhet të ndalen dhe “t’i lënë gjërat të rrjedhin vetë” pasi Trump kërcënoi me një tarifë prej 25% për një sërë vendesh evropiane në ndjekjen e tij të territorit autonom danez.
Ndërsa tregjet globale të aksioneve ranë për shkak të pasigurisë politike, Bessent tregoi se tarifat hakmarrëse do të ishin të pamatura, duke përmendur luftën e tarifave “dhëmbë për dhëmbë” të vitit të kaluar që shpërtheu midis SHBA-së dhe Kinës, citon Guardian.
Bessent tha në një konferencë për shtyp në takimin vjetor të liderëve globalë: “Do të thoja se ky është i njëjti lloj histerie që dëgjuam më 2 prill. Pati një panik.”
Bessent tha: “Ajo që po u bëj thirrje të gjithëve këtu është të ulen, të marrin frymë thellë dhe t’i lënë gjërat të rrjedhin. Gjëja më e keqe që mund të bëjnë vendet është të përshkallëzojnë situatën kundër Shteteve të Bashkuara.”
“Ajo që Presidenti Trump po kërcënon për Groenlandën është shumë e ndryshme nga marrëveshjet e tjera tregtare. Kështu që do t’i nxisja të gjitha vendet që t’i përmbahen marrëveshjeve të tyre tregtare. Ne kemi rënë dakord për to dhe kjo ofron siguri të madhe.”
Bessent tha se nuk besonte se vendet evropiane do të hakmerren kundër SHBA-së për krizën e Grenlandës duke shitur zotërimet e tyre të borxhit të Amerikës.
Bessent pohoi se parashikimet se Evropa mund të ndalonte dhënien e kredive për SHBA-në dhe të hiqte dorë nga zotërimet e saj në thesarin amerikan, ishin një “narrativë e rreme” që sfidonte logjikën.
