Sulmuesi i krahut, Anis Mehmeti mund të largohet këtë muaj nga Bristol City por jo edhe nga Championshipi i Anglisë.
Skuadra tjetër që bën gara në këtë kategori dhe është pretendente për inkuadrim në Premier League, Ipswich Toën ka shprehur interesim për Mehmetin.
Mehmeti po shihet si përforcim i duhur për sulmin te Ipswichi, ekip që po insiston në transferimin e shqiptarit 25-vjeçar.
Mehmetit i skadon kontrata me Bristolin në fund të këtij sezoni, ndërsa ende nuk ka marrëveshje me ekipin aktual për kontratën e re, situatë që po synon ta shfrytëzojë Ipswichi.
Mehmeti ka treguar formë të mirë këtë sezon te skuadra e Bristolit, ku në 30 paraqitje ka shënuar 9 gola dhe ka bërë 6 asistime.
Vetëm në Championship, kategorinë e dytë të Anglisë, Mehmeti ka realizuar 8 gola dhe është njëri prej lojtarëve kryesor të Bristol Cityt, ekip për të cilin luan prej vitit 2023.
