Kryetari i Partisë Demokratike të Kosovës, Bedri Hamza ka kërkuar rinumërim të plotë të votave të zgjedhjeve parlamentare të 28 dhjetorit.
Ai ka thënë se ndihet i shqetësuar nga mospërputhjet e zbuluara nga rinumërimi i pjesshëm.
“Janë tepër shqetësuese mospërputhjet e mëdha të zbuluara gjatë rinumërimit të pjesshëm të votave. Në këto rrethana të krijuara, si Kryetar i PDK-së vlerësoj se rinumërimi i plotë i votave në të gjithë Kosovën është hap i domosdoshëm dhe i drejtë. Institucionet përgjegjëse e kanë obligim kushtetues të veprojnë menjëherë për ta mbrojtur integritetin e procesit zgjedhor. Çdo vonesë apo hezitim është cenim i drejtpërdrejtë i besimit qytetar”, ka shkruar Hamza në Facebook.
Prokuroria Themelore në Prizren ka autorizuar nisjen e hetimeve pas dyshimeve për manipulim të votave të kandidatëve për deputetë.
