Mesfushori i Kosovës, Valon Berisha do të largohet nga skuadra austriake LASK në këtë afat kalimtar.
Ndërsa, Berisha mund të befasojë me klubin e ri pasi thuhet se pritet të transferohet në Bosnjë e Hercegovinë.
Mediat boshnjake kanë shkruar të dielën se Berisha mund t’i bashkohet klubit të njohur nga Bosnjë-Hercegovina, Zhelezniçari.
Aktualisht në kampionatin boshnjak Zhelezniçari i ka 25 pikë dhe e zë vendin e pestë.
Ky klub është në negociata në avancuara për ta transferuar Berishën, i cili ka shkëputur kontratën para kohe me LASK-un.
32-vjeçari kishte kontratë deri në muajin qershor me ekipin austriak për të cilin ka shënuar gjashtë gola dhe ka bërë shtatë asistime në 59 paraqitje.
Berisha në të kaluarën ka luajtur edhe për Lazion, Salzburgun, Reimsin, Fortuna Dusseldorfin, Melbourne Cityn e Vikingun.
Me “Dardanët” ka 52 ndeshje të zhvilluara dhe katër gola të shënuar.
