Trajneri i Juventusit, Luciano Spalletti, ishte i bindur se ekipi i tij ishte I pafat ndaj Cagliarit, por shtoi se nuk ishte aspak i kënaqur me paraqitjet individuale të disa prej lojtarëve të tij.
Juventusi edhe pse dominoi tërësisht ndaj Cagliarit, në fund e humbi ndeshjen me rezultatin 1:0, të shtunën mbrëma.
Në fakt, Cagliari e shfrytëzoi gjuatjen e vetme në portë që e pati për të shënuar golin e fitore.
Spalletti pranoi se nuk ishte i kënaqur me atë që pa nga Edon Zhegrova e Francisco Conceicao.
Në fund, Spalletti insistoi se Cagliari e meritoi fitoren duke marrë parasysh përpjekjet që bëri gjatë gjithë takimit, sidomos në fazën mbrojtëse.
“Mund ta shpjegoj pse Cagliari e meritoi fitoren, sepse luftuan për çdo top, u mbrojtën mirë dhe u përpoqën të dilnin përpara në mënyrë efektiv”, tha 66-vjeçari pas ndeshjes.
“Ne ndoshta nuk ishim mjaftueshëm të pamëshirshëm në ndërtimin e rasteve, dhe ka ndeshje që thjesht shkojnë kështu”,
Trajneri i Juventusit aktivizoi anësorët teknikë Zhegrova dhe Conceicao në pjesën e dytë, por asnjëri nuk arriti të bënte diferencën. Kështu që, Spalletti kritikoi paraqitjen e tyre, veçanërisht për pozicionimin në fushë.
“Edhe pse kanë karakteristikat për të vepruar në një hapësirë kaq të ngjeshur, ata tërhiqen nga rrëmuja dhe humbasin qartësinë”, u shpreh Spalletti.
“Conceicao po zbriste shumë mbrapa për të luajtur si mesfushor mbrojtës, ndërsa Zhegrova po largohej nga zona e rrezikut, duke detyruar Kalulun dhe Kellyn të mbulonin krahët. Kjo nuk është e drejtë. Ata duhet të qëndrojnë në zona të rrezikshme dhe të bëjnë diferencën”.
