Hapësira ajrore e Iranit u rihap për trafikun të enjten pas skadimit të një mbylljeje të përkohshme, me të dhënat e FlightRadar24 që konfirmojnë se NOTAM-i përkatës kishte përfunduar dhe se avionë po hynin drejt Teheranit.
Mbyllja ishte vendosur për arsye sigurie, duke lejuar vetëm fluturime civile të autorizuara, dhe fillimisht ishte planifikuar të zgjaste deri më 15 janar.
Ky zhvillim vjen mes tensioneve në rritje në Iran, përfshirë protestat antiqeveritare dhe presionin ndërkombëtar.
Presidenti i SHBA-së, Donald Trump, tha se ishte informuar se ekzekutimet e protestuesve po ndaleshin, duke paralajmëruar se Uashingtoni do t’i monitoronte nga afër zhvillimet dhe se SHBA-ja mund të ndërmarrin “masa shumë të forta” nëse ato vazhdojnë.
Ministrat e jashtëm të G7 dënuan “përdorimin e qëllimshëm të dhunës” kundër protestuesve, ndërsa Irani akuzoi SHBA-në dhe Izraelin për nxitjen e trazirave, akuza të mohuara nga Perëndimi.
