SHBA-ja ka finalizuar shitjen e parë të naftës venezueliane, me vlerë 500 milionë dollarë, ka thënë një zyrtar i administratës për CNN.
Zyrtari shtoi se priten më shumë shitje nafte në ditët dhe javët në vijim.
Më herët këtë muaj, Presidenti Donald Trump kishte thënë se kishte ndërmend të kishte akses në rezervat e naftës së Venezuelës, më të mëdhatë në botë, pas ndërhyrjes ushtarake amerikane në vend dhe kapjes së Presidentit Nicolas Maduro.
Edhe pse nuk është e qartë se nga erdhi kjo shifër, Trump deklaroi të premten se industria e naftës do të kontribuonte të paktën 100 miliardë dollarë për të riparuar sektorin e dëmtuar të energjisë në Venezuelë.
Ai gjithashtu vuri në dukje se SHBA-të do të eksportojnë 30-50 milionë fuçi naftë venezueliane në bashkëpunim me korporatat amerikane.
Të premten, drejtuesit e energjisë në SHBA në Shtëpinë e Bardhë vunë në pikëpyetje planet e administratës për të përfituar nga nafta e Venezuelës.
“Është e pamundur të investohet”, paralajmëroi zyrtarët drejtori ekzekutiv i ExxonMobil, Darren Woods, ndërsa diskutonte sfidat e kryerjes së biznesit në Venezuelë. “Ekzistojnë një numër kornizash ligjore dhe tregtare që do të duhet të krijohen për të kuptuar se çfarë lloj kthimesh do të merrnim nga investimi.”
Ndërkohë, specifikat e shitjes së parë të naftës mbetën të paqarta të mërkurën.
