Shefi i Misionit të atëhershëm Verifikues të OSBE-së në Kosovë, Wlliam Walker, 27 vite më parë e kishte përshkruar masakrën e Reçakut si një tmerr të pafjalë dhe një krim të rëndë kundër njerëzimit, pas vizitës së tij në vendin ku u gjetën trupat e 45 civilëve shqiptarë të vrarë.
Walker kishte thënë se ishte i tronditur dhe i shokuar nga ajo që pa, duke theksuar se viktimat ishin civilë të paarmatosur, të veshur me rroba civile, përfshirë edhe gra dhe fëmijë.
Ai akuzoi drejtpërdrejt forcat e sigurisë së qeverisë jugosllave për përgjegjësi në këtë krim dhe kërkoi që autorët, si dhe ata që dhanë urdhrat, të identifikohen dhe të mbajnë përgjegjësi.
Walker theksoi se rasti i Reçakut duhet të hetohet duke nënvizuar se drejtësia për viktimat është e domosdoshme. Deklarata e tij u transmetua gjerësisht nga mediat botërore dhe u bë një nga momentet kyçe që tronditi opinionin ndërkombëtar mbi situatën në Kosovë.
Masakra e Reçakut u konsiderua nga diplomacia ndërkombëtare si një pikë kthese që çoi në rritjen e presionit ndaj regjimit të atëhershëm serb dhe më pas në ndërhyrjen e NATO-s në Kosovë.
Deklarata e ambasadorit Willieam Walker dhënë 27 më vjet më parë.
“Sot qëndrojmë së bashku kundër atyre që shkaktuan këtë krim, këtë krim kundër njerëzimit, vrasjet, vdekjet në Reçak kërkojnë drejtësi dhe kjo drejtësi do të arrihet. Këto varreza pran meje tragjikisht, fatkeqësisht paraqesin për mua, çmenduri dhe tmerrimin dhe dhunën e pakufizuar”, kishte thënë ai.
