Presidentja e Kosovës, Justina Shiroka Pula, ka pritur në takim ambasadorin e Mbretërisë së Bashkuar në Kosovë, Jonathan Hargreaves, me të cilin ka diskutuar për forcimin e bashkëpunimit ndërmjet dy vendeve.
Sipas komunikatës për media, gjatë takimit është biseduar për mundësitë e zgjerimit të bashkëpunimit dypalësh, veçanërisht në fushën e sigurisë, mbrojtjes dhe zhvillimit ekonomik.
Në fokus të diskutimeve kanë qenë edhe proceset integruese euroatlantike të Kosovës dhe avancimi i mëtejshëm i partneritetit strategjik me Mbretërinë e Bashkuar.
Presidentja Shiroka Pula ka falënderuar ambasadorin Hargreaves për mbështetjen e vazhdueshme britanike ndaj Kosovës, duke vlerësuar marrëdhëniet e mira ndërmjet dy vendeve.
Ndërkaq, ambasadori britanik e ka uruar presidenten për marrjen e detyrës, duke i dëshiruar sukses gjatë mandatit të saj.
Në përfundim të takimit, presidentja ka ritheksuar përkushtimin e Kosovës për thellimin e partneritetit me Mbretërinë e Bashkuar, si dhe ka shprehur mirënjohje për kontributin britanik në sigurinë, zhvillimin dhe avancimin ndërkombëtar të vendit.
