Arabia Saudite e ka informuar Iranin se nuk do të lejojë që hapësira ajrore ose territori i saj të përdoret për ta sulmuar atë, thanë të mërkurën dy burime pranë qeverisë së Mbretërisë, ndërsa Uashingtoni kërcënon Teheranin me sulme të mundshme ushtarake.
Mesazhi u përcoll ndërsa Shtetet e Bashkuara paralajmëruan se mund t’i përgjigjen një shtypjeje të qeverisë iraniane ndaj protestave, ndërsa Teherani ka thënë se do të godasë asetet ushtarake dhe të anijeve amerikane në rast të një sulmi të ri.
“Arabia Saudite e ka informuar drejtpërdrejt Teheranin se nuk do të jetë pjesë e asnjë veprimi ushtarak të ndërmarrë kundër saj dhe se territori dhe hapësira ajrore e saj nuk do të përdoren për këtë qëllim”, tha një burim pranë ushtrisë saudite për AFP.
Një burim i dytë pranë qeverisë konfirmoi se mesazhi i ishte komunikuar Teheranit.
SHBA-të kanë asete ushtarake në Gjirin Persik, përfshirë Arabinë Saudite.
