Klinaku në Facebook ka thënë se edhe ai vet ka qenë në komisionin për vlerësim dhe verifikim.
“Sa i përket asaj që ka deklaruar Aziz Bici se në batalionin e tij ishin 250 ushtarë (e që në atë batalion isha edhe unë) e sipas tij ia paska bërë komisioni numrin 600 e vet ishte komision për vlerësim e verifikim e unë nuk kam qenë, nuk dua të merrem unë tash në publik, sepse për këtë pasaktësi të madhe i reagova edhe në takim që kishim me kryeministrin Kurti, por me këtë do të duhej që të merreshin të tjerët(komandantë e ushtarë të batalionit)”, ka shkruar Klinaku.
Tutje ai ka thënë se si OVL-UÇK kanë kërkuar hetim nga prokuroria që sipas tij, të shihet se cilët nga ata qindra ushtarë do të mbeten jashtë liste.
“Nga pozita që e kam unë, dhe duke pasur parasysh që si OVL-UÇK, kemi kërkuar hetim nga prokuroria dhe prandaj ka proces gjyqësor që duhet të përfundojë, nuk dua të merrem por do të ishte mirë të publikohet ajo listë prej atyre 250 vetave, e të shihen se cilët nga ata qindra ushtarët do të mbeten jashtë saj, por edhe për këtë mendoj se duhet të merret prokuroria”, ka shkruar ai .
Klinaku ka thënë se për çdo pastrim liste janë organet e drejtësisë, e jo fjalët në media.
“Lojërat politike me këtë çështje, nuk i bëjnë nderë askujt. Edhe kryeministrit ia kemi bërë të qartë se propozimin që do të na japin me shkrim, duhet të jetë në përputhje me rikthimin e pikës 3.1 të nenit 16 A, që kjo qeveri e ky kuvend e ka ndryshuar, dhe për çdo pastrim liste janë organet e drejtësisë, e jo fjalët në media”, shkroi tutje ai./teve1.info./
