Parlamenti Evropian ka njoftuar të hënën se të gjithë stafit diplomatik dhe përfaqësuesve të Iranit u ndalohet hyrja në ambientet e Parlamentit Evropian për shkak të protestave të vazhdueshme në disa pjesë të vendit.
“Nuk mund të vazhdojë puna si zakonisht. Ndërsa populli i guximshëm i Iranit vazhdon të ngrihet për të drejtat dhe lirinë e tij, sot kam marrë vendimin për të ndaluar të gjithë stafin diplomatik dhe çdo përfaqësues tjetër të Republikës Islamike të Iranit nga të gjitha ambientet e Parlamentit Evropian”, ka shkruar presidentja e Parlamentit, Roberta Metsole në platformën amerikane të mediave sociale X.
“Kjo Dhomë nuk do të ndihmojë në legjitimimin e këtij regjimi që e ka mbajtur veten në këmbë përmes torturave, shtypjes dhe vrasjeve”, shtoi ajo.
Më herët të hënën, zëdhënësi i Komisionit Evropian tha se shtetet anëtare po zhvillojnë diskutime konfidenciale nëse duhet ta klasifikojnë Trupat e Gardës Revolucionare të Iranit si organizatë terroriste.
Irani është përfshirë nga protesta që nga fundi i dhjetorit, duke filluar në Pazarin e Madh të Teheranit më 28 dhjetor, mes zhvlerësimit të ndjeshëm të rialit iranian dhe përkeqësimit të kushteve ekonomike. Demonstratat më vonë u përhapën në disa qytete në të gjithë vendin.
