Manchester City ka konfirmuar zyrtarisht transferimin e sulmuesit Antoine Semenyo nga Bournemouth për shumën prej 71 milionë eurosh.
26-vjeçari ka firmosur një kontratë pesëvjeçare e gjysmë, e cila do ta mbajë atë në “Ettihad” deri në vitin 2031.
Semenyo vjen te City me misionin e qartë për ta rikthyer skuadrën e Pep Guardiolës në garën për titullin e Premier League. Aktualisht, Manchester City ndodhet gjashtë pikë prapa liderëve Arsenal, me 17 ndeshje ende për t’u zhvilluar.
“Do të jetë një sfidë të futemi sërish në garën për titull, por jam i gatshëm të jem pjesë e këtij udhëtimi,” u shpreh Semenyo pas firmosjes. “Ende po më duket e pabesueshme. Kam punuar shumë fort për të arritur deri këtu dhe jam jashtëzakonisht i lumtur që gjithçka u finalizua.”
City arriti të fitojë garën për sulmuesin duke lënë pas rivalë si Liverpool dhe Manchester United.
Semenyo pritet të debutojë që këtë fundjavë, në ndeshjen e FA Cup kundër Exeter.
Sulmuesi i Ganës e mbylli aventurën trevjeçare me Bournemouth, për të cilën skuadër realizoi 10 gola e 3 asistime në 20 ndeshje gjatë këtij sezoni.
Me afrimin e Semenyos, Manchester City synon të forcojë repartin ofensiv dhe të rrisë shanset për të mbrojtur titullin kampion në muajt vendimtarë të sezonit.
