Ndërmarrja “Trainkos” ka njoftuar se linja hekurudhore Pejë–Prishtinë–Pejë është lëshuar përsëri për qarkullim pas bllokimit të saj të hënën, si pasojë e një rrëshqitjeje të gurëve.
Sipas njoftimit zyrtar, qarkullimi i trenave do të vazhdojë sipas orarit të rregullt.
“Treni Pejë–Prishtinë–Pejë, duke filluar nga sot, do të vazhdojë qarkullimin sipas Orarit të Lëvizjes së trenave. Treni niset nga Peja në orën 12:10”, thuhet në deklaratë.
Ndryshe, të hënën, rrëshqitja e gurëve në kilometrin 51/200 ka shkaktuar dëmtime në binarin hekurudhor në linjën Klinë–Prishtinë, duke pamundësuar qarkullimin e trenit të ditës së djeshme.
Rrëshqitja e gurëve dëmton binarin hekurudhor në relacionin Klinë-Prishtinë
