Komisioni Qendror i Zgjedhjeve është duke vazhduar procesin e numërimit të votave të subjekteve politike nga zgjedhjet e 28 dhjetorit, të cilat janë hedhur në përfaqësitë diplomatike të Kosovës.
Sipas të dhënave aktuale, janë numëruar 30 nga gjithsej 40 vendvotime, që përbën rreth 75 për qind të totalit.
Rezultatet e deritanishme tregojnë se Lëvizja Vetëvendosje prin e para duke marrë 87.15 për qind të votave, apo 8,910 vota.
Në pozitën e dytë renditet Partia Demokratike e Kosovës (PDK) me 5.50 për qind, përkatësisht 562 vota, ndërsa e treta është Lidhja Demokratike e Kosovës (LDK) me 4.87 për qind, apo 498 vota.
Ndërkohë, Aleanca për Ardhmërinë e Kosovës (AAK) ka arritur të sigurojë 1.59 për qind të votave, që përkthehet në 163 vota./teve1.info/
