Kryetari i Aleancës për Ardhmërinë e Kosovës, Ramush Haradinaj, ka vlerësuar se ndarja nga jeta e ish-kryeparlamentarit Nexhat Daci është humbje e madhe për vendin.
Haradinaj ka theksuar se Kosova sot ka humbur një personalitet të shquar të jetës akademike dhe institucionale, i cili do të kujtohet për urtësinë, vizionin shtetformues dhe përkushtimin e palëkundur ndaj vendit.
“Kosova humbi sot një personalitet të shquar të jetës akademike dhe institucionale. Ndarja nga jeta e akademikut Nexhat Daci është humbje e madhe për vendin. Do të kujtohet përherë për urtësinë, vizionin shtetformues dhe përkushtimin e palëkundur ndaj Kosovës. Kisha nderin që bashkë me të dhe Presidentin Rugova të bashkëpunonim ngushtë në ditët më të ndjeshme të shtetndërtimit të vendit. Ngushëllimet më të sinqerta familjes Daci, bashkëpunëtorëve dhe gjithë qytetarëve që e çmuan kontributin e akademikut Nexhat Daci”, ka shkruar Haradinaj në Facebook./teve1.info/
