Në repartin e Oftalmologjisë të Spitalit të Gjilanit janë dëmtuar gjithsej 185 doza ampulash, të cilat ruheshin në frigorifer, ndërsa dyshohet se stafi përgjegjës nuk i ka ruajtur ato në përputhje me normat e parapara.
Sipas raportit të Policisë së Kosovës, dëmi i shkaktuar vlerësohet të jetë rreth 20 mijë euro.
Për rastin është njoftuar prokurori kompetent, i cili e ka cilësuar veprën penale si “keqpërdorim i detyrës zyrtare”.
Hetimet lidhur me këtë rast janë duke vazhduar nga organet kompetente.
