Pesë persona janë arrestuar të mërkurën në fshatin Dobrësh të Vitisë, nën dyshimin për veprën penale vrasje në tentativë.
Sipas njoftimit të Policisë së Kosovës, të dyshuarit janë përfshirë në një përleshje fizike mes vete, gjatë së cilës kanë përdorur mjete të forta për ta sulmuar njëri-tjetrin.
Si pasojë e rrahjes, të gjithë personat e përfshirë kanë pësuar lëndime trupore dhe kanë marrë trajtim mjekësor.
Pas intervistimit, me vendim të prokurorit kompetent, pesë të dyshuarit janë dërguar në mbajtje, ndërsa rasti është në procedurë hetimore.
