Presidentja e Kosovës, Vjosa Osmani ka thënë se veteranët e UÇK-së janë dëshmia se liria nuk dhurohet .
Në Ditën e Veteranëve të UÇK-së ajo ka thënë se burra e gra u bënë mburojë e popullit dhe zë i atdheut.
“Sot, në Ditën e Veteranëve të UÇK-së, përulemi me respekt të thellë para burrave dhe grave që u ngritën kur liria ishte vetëm një ëndërr. Ata u bënë mburojë e popullit, zë i atdheut dhe shpresë në kohën më të errët. Veteranët e UÇK-së janë dëshmia se liria nuk dhurohet, por fitohet me guxim dhe sakrificë. Rrugëtimi i tyre drejt lirisë u kurorëzua me dinjitet dhe fitore. Lavdi e përjetshme dëshmorëve të kombit. Nderim i përhershëm veteranëve të UÇK-së!”, ka thënë Osmani.
