Ish-kryetari i Kuvendit të Kosovës, Glauk Konjufca, pasi ka ushtruar të drejtën e tij të votës, ka ftuar të gjithë qytetarët që të dalin dhe të votojnë, duke theksuar se vetëm kështu bëhen pjesëmarrës në ndërtimin e shtetit.
Konjufca ka shprehur shpresën që zgjedhjet parlamentare të zhvillohen pa probleme, të jenë të organizuara në mënyrën më të mirë të mundshme, pa eksese dhe në një atmosferë paqësore e të qetë, duke theksuar se kjo tregon pjekurinë e shoqërisë kosovare.
“Sot është dita më e rëndësishme e demokracisë, sepse populli i Kosovës voton. Shpresoj që këto zgjedhje parlamentare të zhvillohen pa asnjë problem, të organizohen në mënyrën më të mirë të mundshme dhe të kalojnë në mënyrë paqësore e të qetë. Vetëm kështu e tregojmë pjekurinë tonë si popull dhe si shoqëri. I ftoj të gjithë qytetarët e Republikës së Kosovës ta shfrytëzojnë të drejtën e tyre të votës, sepse vetëm kështu bëhemi pjesëmarrës në ndërtimin e shtetit tonë,” ka thënë Konjufca./teve1.info/
