Politologu Albinot Maloku ka vënë në dukje se një temë kyçe, e cila nuk është përmendur nga asnjë lider politik gjatë fushatës, do të jetë një sfidë e madhe për qeverinë e ardhshme. Ai ka theksuar rëndësinë e dialogut mes Kosovës dhe Serbisë, duke e cilësuar atë si “një nga prioritetet që secili nga liderët politikë i është shmangur maksimalisht”.
“Është një temë e nxehtë dhe do ta presë qeverinë e ardhshme në çdo rrethanë,” ka thënë Maloku, duke theksuar se trajtimi i saj kërkon vëmendje dhe qasje të matur.
Ndërkohë sa i përket gjuhës së fushatës, Maloku tha se e këtyre zgjedhjeve ka qenë më e butë krahas atyre të 9 shkurtit.
“E bukura e kësaj fushate është që fjalorin që e kemi sulmuar fuqishëm para zgjedhjeve të 9 shkurti, kësaj here ka qenë më i maturuar”, deklaroi ai në emisionin “Këndi i Debatit” në Tëvë1.
