Te Trabzonspori janë të vendosur për ta transferuar Milot Rashicën dhe atë në afatin kalimtar të janarit, kanë raportuar mediumet turke.
Madje, thuhet se Trabzonspori ka bërë gati ofertën dhe brenda këtij muaji do ta kontaktojë skuadrën e Beshiktashit.
Trabzonspori është gati të ofrojë të paktën 5 milionë euro për transferimin e Rashicës, por negociatat nuk do të jenë aspak të lehta për shkak se Beshiktashi kërkon më shumë.
Rashica ka kontratë me Beshiktashin deri në vitin 2027, ndërsa është pjesë e këtij ekipi prej vitit 2023 kurse më herët në Turqi ka luajtur edhe me Galatasarayn, ku edhe ka fituar trofe.
29-vjeçari këtë sezon ka shënuar 2 gola dhe ka bërë 3 asistime në 18 paraqitje në të gjitha garat për skuadrën e Beshiktashit.
