Autore: Jona Kelmendi
Bizneset në qytetin e Klinës prej disa ditësh kanë rikthyer në funksion gjeneratorët.
Problemi serioz me energjinë elektrike, shumë bizneseve po ua pamundëson punën.
Një nga to është edhe kjo furrë e bukës.
“Kemi që 1 javë me këtë problem si gjithmonë shumë jon ka na demtojnë shumë jon ka na marin nqaf shumë po kem probleme jo vec sot por gjithë i paguaj cdo muj ka 2000 euro që jom biznes e tash me hi me na i kqyr brumërat e krejt ato qe i kem tana jon te prishta krejt duhet mi gjujt, punëtorët duhet mi pagu na duhet mi gjujt brumat na duhet mi gjujt senet nuk e di qysh mujm na kshtu se ky problem qe 25 vjet osht blej argergat 10-15 mije euro spunon prishet me krejt problemet na jena”, thotë Gani Demaj – pronar i një furre.
Me të njëjtin problem po përballet edhe Fatmir Dina, që për punë ka rregullimin e televizorëve.
“Rrymë sot është e pesta ditë që nuk kemi, ni faze nuk kemi as nuk kemi nxemje ne shpi as nuk kemi ujë as kurgjo. Kjo pom demton se në dyqan nuk kom rrymë, po duhet me dal me bo levizje se ska rrymë. Në dyqan spo kom me qka me punu pa rrymë nuk punoj jom mjeshtër i televizorave” shprehet Fatmir Dina – pronar i një dyqani.
Përveç mungesës së rrymës, qytetarët ankohen se në shumë lagje nuk funksionojnë të gjitha fazat e energjisë elektrike.
“Qe dy jave dite po kemi shume probleme, nje faze nuk e kemi hic eshte e qkyqne krejt rryma është shumë e dobët edhe qajo fazë qe dy jave dit nuk ka dy faza i kem njo ska hic. Po osht problem sa dush na jemi krejt me nxemje qendrore asnjona nuk punon shumë e rond është për fmi apet na te rriturit mundem me perballu dicka po per te ri shumë problem”, shprehet Milazim Bojaj – qytetar.
I gjithë problem, sipas KEDS-it ka ardhur pas djegies së një prej trafove më të rëndësishme të Klinës.
“E kuptojmë shqetësimin që ky problem mund të ndikoj tek disa qytetarë të Klinës; mirëpo KEDS njofton se në Klinë kemi një djegie të trafos 10/04 në Lagjen Nora. Ekipet tona janë në terren dhe po punojnë me intensitet të lartë për rregullimin e kësaj prishjeje, për të siguruar energji elektrike në mënyre stabile për të gjithë konsumatorët”, thotë zëdhënësja e KEDS-it, Bleona Dallaveraj.
Ekipet e KEDS-it u panë gjatë ditës duke sanuar problemin në disa prej lagjeve të Klinës.
