Rama përmes një konferencë për media tha se arsyeja e zhvendosjes së këtij festivali në Tiranë është për shkak të zvarritjeve të qeverisë.
“Ky është një lajm dëshpërues për qytetin si dhe për gjithë Kosovë. Sunny Hill Festival i takon Kosovës, i takon Prishtinës, u takon të rinjëve e të rejave tona që me padurim e kanë pritur me padurim këtë edicion. Arsyeja pse ky festival është zhvendosur në Tiranë është kryekëput për shkak të zvarritjeve të qeverisë, e cila pavarësisht se i gjithë procesi për dhënien në shfrytëzim të pronës komunale për shfrytëzim të festivalit është bërë në pajtim të plotë me ligjin, institucionet qëndrore kanë tentuar vazhdimisht të ndërhyjnë në kompetencat e Kuvendit Komunal dhe në kompetencat e Kryetarit të Komunës, ashtu siç edhe konfirmoi dje asociacioni i komunave”, tha ai.
Rama e quajti këtë një gabim të pafalshëm dhe dëm të madh për Kosovën.
“Kjo zvarritje e Qeverisë është e pafalshme dhe i ka bërë dëm të madh artit e kulturës, imazhit të vendit, rinisë sonë dhe ekonomisë së Prishtinës dhe mbarë vendit”, tha ai.
Teksa ka thënë se ka besim të plotë se festivali “Sunny Hill” nga viti i ardhshëm do të jetë siç tha ai në shtëpinë e tij në Prishtinë./teve1.info./
