Erling Haaland ka shënuar tjetër gol në Premier League.
Haalandi në minutën e pestë realizoi për 1:0 për Manchester Cityn ndaj West Ham Unitedit.
Ai tani i ka 103 gola në elitën e futbollit anglez, aq sa kishte shënuar Cristiano Ronaldo sa ishte pjesë e Manchester Unitedit. Por, këtë shifër të golave, Ronaldo e kishte arritur në 236 ndeshje në total.
Sulmuesi norvegjez e arriti shifrën e 103 golave në elitën angleze me 122 ndeshje më pak të luajtura se superylli portugez.
