Nënshkrimin e bënë në shkurt të vitit 2023.
Por marrëveshja për rrugën drejt normalizimit të marrëdhënieve mes Kosovës dhe Serbisë po kërkon përshpejtim.
Këtë po e kërkojnë Shtetet e Bashkuara në ligjin për autorizimin e Mbrojtjes Kombëtare të nënshkruar nga presidenti amerikan, Donald Trump.
Në dokument, si pikë e rëndësishme është edhe dialogu në mes dy vendeve, Kosovë- Serbi, duke kërkuar Aneksin e zbatimit.
“Pasi të arrihet përparim i mjaftueshëm, SHBA duhet të shqyrtojë iniciativa për forcimin e marrëdhënieve bilaterale me të dyja vendet”.
Këtë përfshirje të Kosovës në këtë dokument e sheh si të rëndësishëm analisti politik, Shemsi Jashari.
Dokumenti amerikan thekson gjithashtu rëndësinë e mbështetjes për një marrëveshje gjithëpërfshirëse përfundimtare midis Kosovës dhe Serbisë, e bazuar në njohje të ndërsjellë, pa mbështetur shkëmbime territoriale apo ndryshime të kufijve sipas linjave etnike.
Sipas Jasharit, SHBA-ja e ka konfirmuar se nuk preken kufijtë e vendit.Si pjesë e dokumentit përmendet edhe zgjerimi i NATO-s në Ballkanin Perëndimor,duke përfshirë edhe perspektivën e anëtarësimit të Kosovës në Aleancë, si dhe anëtarësimin në BE.
