Ngjarje e paprecedentë ka ndodhur në klubin e Luftëtarit. Mediumi “Top Channel” ka nxjerrë në “dritë” mashtrimin për moshën nga sulmuesi i ekipit gjirokastrit Kalonji Nyanguila. Në bazë të sistemit të regjistrimeve në Qipro, futbollisti në fjalë rezulton i lindur më 1997.
Prej vitit 2024, kongolezi Nyanguila ka “zbarkuar” në Shqipëri me një tjetër pasaportë, teksa viti i lindjes korrespodonte me 2005-ën, pjesë e një ekip në Kategorinë e Dytë. Vetëm pas 6 muajsh qëndrimi në vendin tonë, transferohet te Llapi në Superligën e Kosovës.
Jo pas shumë kohësh, sulmuesi nga Republika Demokratike e Kongos i bashkohet Partizanit U-19. Prej shtatorit të këtij viti, Kalonji Nyanguila është pjesë e ekipit të Luftëtarit në Kategorinë e Parë.
Qëllimi i kësaj “skeme” lidhet me përfitim personal prej lojtarit, i cili kërkon të “tregtohet” si talent në klubet e interesuara.
