Belgjika ka insistuar të enjten se partnerët e Bashkimit Evropian duhet të ofrojnë garanci të forta se do ta mbrojnë nga hakmarrja ruse para se të mbështesin një kredi masive nga asetet e ngrira ruse për Ukrainën.
Në samitin e Brukselit me interesa jashtëzakonisht të larta për Ukrainën dhe BE-në, blloku do të vendos nëse do të përdorë dhjetëra miliarda euro nga asetet e ngrira ruse për t’i dhënë një kredi Ukrainës për nevoja ushtarake dhe të tjera për dy vitet e ardhshme.
Brukseli mban pjesën më të madhe të aseteve ruse në Euroclear, të cilën Banka Qendrore e Rusisë e ka paditur javën e kaluar.
“Më jepni një parashutë dhe do të hidhemi të gjithë së bashku”, u tha kryeministri Bart De Wever anëtarëve të parlamentit belg pak para fillimit të samitit, citon AP.
“Nëse kemi besim te parashuta, kjo nuk duhet të jetë problem”.
Belgjika ka frikë se Rusia do të kundërpërgjigjet dhe do të preferonte që blloku të merrte hua paratë në tregjet ndërkombëtare.
Ajo dëshiron që edhe asetet e ngrira të mbajtura në vende të tjera evropiane të hidhen në këtë tenxhere, dhe që partnerët e saj të garantojnë që Euroclear do të ketë fondet që i nevojiten në rast se do të përballet me sulme ligjore.
