Rreth 300 euro ishin të grumbulluara në kasafortën e xhamisë “Sinan Katib” në Prizren.( Pamje)
E këto të holla do të shërbenin për nevojat e xhamisë.
Por që në mesditën e së hënës, kasaforta u vjedh nga një 18 vjeçar.
Siç shihet nga pamjet e siguruara, E.A kishte kontrolluar gjithë situatën derisa e kreu vjedhjen. ( Pamje te personit derisa vjedh kasafortën)
Imami i kësaj xhamie tregon se vjedhja është kryer për një kohe shumë të shkurtër.
“Me datë 12 të këtij muaji rreth orës 13:30 është bërë vjedhja e kasës së xhamisë,e cila i ka shërbyer kësaj xhamie për nevojat e veta. Janë donacione të fshehta dhe sekrete por deri 300 euro, ka shërby për nevojat e xhamisë për pagesën e rrymës, blerje brenda xhamisë. Ka pas përpjekje të vjedhjes në xhami edhe një herë të kasafortës, por që kasaforta ka qenë e fortë, por djaloshi ka qenë shumë profesional për 2 minuta e ka vjedh arkën”, tha imami, Osman Bekteshi.
Detaje rreth këtij rasti ka dhënë edhe zyrtari i policisë për rajonin e Prizrenit Vesel Gashi.
“Policia me datën 12 ka pranuar informacion lidhur me këto raste, pas një punë operative hetimore është arrit te identifikohet i dyshuari, i njëjti është futur në listën e personave të kërkuar. Me datën 14 i njëjti është arrit të ndalohet dhe të shoqërohet në stacionin policor”, tha Gashi.
Për të dyshuarin e këtij rasti, Prokuroria Themelore në Prizren, ka bërë edhe kërkesë për masë të paraburgimit.
“Ju njoftojmë se Prokuroria Themelore në Prizren – Departamenti i Përgjithshëm, pranë Gjykatës Themelore në Prizren ka parashtruar kërkesë për caktimin e masës së paraburgimit kundër të dyshuarit E.A., për shkak të dyshimit të bazuar se i njëjti ka kryer veprën penale “Vjedhja e rëndë” nga neni 315, të Kodit Penal të Republikës së Kosovës (KPRK)”, thuhet në përgjigjen e Prokurorisë.
Siç potencuan organet e drejtësisë, i njëjti ishte person i njohur për Policinë, e po ashtu edhe i akuzuar për raste të tjera të vjedhjeve.
Raporti i gazetares Lendrina Kodrolli.
