Sipas tij, UNMIK-u ka pretenduar se është e padrejtë t’u merren kompetencat prokurorëve serbë të cilët kanë qenë në krye të kësaj çështjeje.
“Që nga viti 1999 deri në vitin 2008, UNMIK-u nuk ka pasur interes të dokumentohen krimet e luftës në Kosovë. Një ndër veprimet e para që Përfaqësuesi Special i ka marrë në atë kohë, ka qenë që krimet e luftës në Kosovë të cilat janë hetuar nga prokurorët serbë, t’ua merr atë kompetencë. Në logjikën e tyre qëllimi ka qenë se po bëhet diskriminim apo nuk po zbatohet drejtë ndaj tyre”, tha Miftaraj në emisionin “Këndi i Debatit” në Tëvë1.
Miftaraj më tej tha se tanimë është shumë vonë të mblidhen dëshmi për gjenocidin e Serbisë në Kosovë. Sipas tij, kjo është dashur të bëhej shumë kohë më parë, duke filluar nga dokumentaret.
