Të paktën 37 persona kanë humbur jetën në përmbytjet e shkaktuara nga shirat e rrëmbyeshëm në provincën bregdetare Safi të Marokut në Atlantik, sipas autoriteteve.
Transmetuesi shtetëror SNRT News citoi të hënën autoritetet lokale të kenë thënë se të paktën 14 persona kishin marrë trajtim spitalor, përfshirë dy në njësinë e kujdesit intensiv, pas shiut të papritur të rrëmbyeshëm të dielën.
Të paktën 70 shtëpi dhe biznese në qytetin e vjetër historik, Rabat u përmbytën pas vetëm një ore shiu të rrëmbyeshëm, sipas autoriteteve.
Në një deklaratë, guvernatori Safi tha se operacionet e kërkim-shpëtimit ishin duke vazhduar dhe se ishin marrë masat e nevojshme për të siguruar zonat e prekura dhe për t’u ofruar mbështetje banorëve, citon Al Jazeera.
Ndërsa ekipet kërkonin për viktima të tjera të mundshme, shërbimi meteorologjik parashikoi shira të tjerë të rrëmbyeshëm të martën në të gjithë vendin.
Maroku po përjeton shira të rrëmbyeshëm dhe reshje dëbore në Malet Atlas, pas shtatë viteve thatësirë që zbrazi disa nga rezervuarët e tij kryesorë.
