Kandidati për deputet nga Partia Demokratike e Kosovës, Nait Hasani ka thënë se kjo parti me aleatët e saj do ta formojë qeverinë e re pas zgjedhjeve parlamentare të 28 dhjetorit dhe se Bedri Hamza do të jetë kryeministër.
Hasani ka thënë se ata që flasin tani për numra, flasin nga dëshira. Ai ka thënë se fitues është ai që e bënë qeverinë.
“Në listën e tashme, që është nga profesionet e ndryshme dhe unë besoj në këta njerëz që me kredibilitetin e tyre që kanë, profesionalizmin e tyre të dëshmuar, por edhe njerz të ri që kanë ardhur unë besoj që do ja dalim dhe do të jemi fitues. Fitues do të jetë ai që do ta formojë qeverinë. Dhe fitues e do ta formojë qeverinë është PDK me aleatët e vet dhe Bedri Hamza do të jetë kryeministër”, ka thënë Hasani në emisionin “InfoNata” në Tëvë1.
Ai duke folur për dështimin e Albin Kurtit për ta formuar qeverinë dhe akuzat e tij ndaj ish-opozitës se qeverinë e kaluara janë formuar me pazare politike, ka thënë se Kurti nuk e njeh politikën dhe koalicionet.
Sipas Hasanit, Kurti e njeh autokracinë.
“Albin Kurti nuk është fitues, por humbës. Ai nuk arritur me 48 deputetë që ta formojë qeverinë. Më i pas PDK 48 deputetë edhe presidentin e kish zgjedh. Kurti nuk e njeh politikën, nuk i njeh koalicionet, ai e njeh autokracinë”, ka thënë ai.
Hasani ka thënë se lista e PDK-së paraqet unitet.
