Florent Zeqaj, analist politik, ka komentuar në emisionin “Kënsi i Debatit” në Tëvë1 mbi listën e kandidatëve për deputetë të Lëvizjes Vetëvendosje (LVV), duke shprehur shqetësim për disa përfshirje.
Ai theksoi se është një “skandal” që Rozeta Hajdari, ministre aktuale, është përfshirë në listë, duke pasur parasysh që ka një aktakuzë të hapur ndaj saj. Sipas Zeqajt, LVV ka bërë thirrje për vlera dhe luftë kundër korrupsionit, por ai mendon se kjo nuk korrespondon me përfshirjen e Hajdarit në listë.
“Për mua është skandal që Rozeta Hajdari, një ministre me aktakuzë, është përfshirë në listën e kandidatëve. Këta janë thirrur për vlera dhe kundër korrupsionit, por nuk duhej të ishte ajo në listë. Ata për 15 vjet kanë punuar duke e bërë politikën dhe korrupsionin si një të mirë të zakonshme. Kriminelët janë në lista, kjo është një papërgjegjshmëri,” ka thënë Zeqaj.
Po ashtu, ai ka folur edhe për dështimin e disa individëve, përfshirë Avni Deharin, për të marrë hapa për ndriçimin e vrasjes së Astrit Deharit.
“Kjo është një protestë edhe për z. Avni Deharin, i cili ka dështuar të bëjë diçka për 5 vitet e fundit. Ai nuk ka bërë asgjë për të zbuluar të vërtetën mbi vrasjen e Astrit Deharit. Ky është mendimi im,” ka shtuar ai.
