Arbër Hoxha ka dhuruar tjetër paraqitje të jashtëzakonshme për Dinamo Zagrebin në derbin e zjarrtë kroat ndaj Hajdukut të Splitit.
Hoxha realizoi gol në sekondat e fundit të ndeshjes për t’ia mohuar disfatën Dinamo Zagrebit.
Ndeshja mes Dinamo Zagrebit dhe Hajdukut të Splitit përfundoi baras 1:1.
Ky ballafaqim u zhvillua të shtunën dhe i takoi javës së 16-të.
Hajduku kaloi në epërsi në minutën e 68-të me golin që e shënoi Michele Sego.
Hoxha shënoi gol në minutën e 12-të shtesë për t’i barazua shifrat dhe për t’ia siguruar një pikë shumë të rëndësishme skuadrës së Dinamos.
