Malisheva ka regjistruar tjetër fitore me trajnerin Elon Berisha në krye të skuadrës.
Malisheva e fitoi edhe ndeshjen e katërt rresht të shtunën.
Pas fitoreve në Superligën e Kosovës ndaj Prishtinës dhe Ferizajt, të dyja në udhëtim, dhe pas suksesit në Kupën e Kosovës në udhëtim te Trepça, Malisheva në “Liman Gegaj” fitoi ndaj Drenicës 2:0.
Ky ballafaqim i takoi xhiros së 16-të të elitës së futbollit kosovar.
Dy golat e fitores për malishevasit i shënoi mbrojtësi i krahut të majtë, Arlind Veliu.
Veliu golat i shënoi në minutën e dytë dhe të 10-të.
Në minutat shtesë te Drenica direkt me të kuq u përjashtua nga loja portieri Kenan Haxhihamza.
Malisheva mbetet në pozitën e katërt me 25 pikë, kurse Drenica mbetet në pozitën e tetë, përkatësisht të barazhit, me 17 pikë.
