Kryetari i Drenasit, Ramiz Lladrovci, ka theksuar se hapja e PDK-së ndaj personaliteteve të pa përfshira në rrjedha politike është e domosdoshme për një kthesë të fortë të vendit dhe fitore në zgjedhjet e 28 dhjetorit.
Sipas Lladrovcit, PDK-ja do të forcohej me profile si Sylejman Selimi, Fatmir Limaj, Rrustem Mustafa, Atifete Jahjaga, Buna Mustafa, Kolë Krasniqi, si dhe vajzat e Profesor Çettës, Agata dhe Donika, për të sjellë kompetencë, përkushtim dhe besim në skenën politike.
“Kosovës i duhet qartësim i rrugës dhe vlerave mbi të cilat u ndërtua. Me vullnet dhe përkushtim, arrihet fitorja!”, ka deklaruar Lladrovci.
