Një person është arrestuar në Prizren nën dyshimin për falsifikim të dokumenteve, mashtrim dhe legalizim të përmbajtjes së rreme.
Sipas Policisë së Kosovës, persona ende të panjohur kanë përdorur dokumente të falsifikuara për t’ia bartur pronën e viktimës një personi të tretë, pa dijeninë dhe pëlqimin e tij.
Gjatë hetimeve, policia ka identifikuar dhe arrestuar një të dyshuar, i cili dyshohet se ka përdorur një letërnjoftim të falsifikuar të Serbisë me fotografinë e tij, duke futur të dhënat personale të viktimës.
“Është raportuar se prona e viktimës, mashkull kosovar, dyshohet se nga person/a të panjohur me anë të dokumenteve të falsifikuara i është bartur personave të tretë pa pëlqimin dhe dijeninë e tij. Gjatë hetimeve të zhvilluara është identifikuar dhe arrestuar i dyshuari, mashkull kosovar, i cili dyshohet se ka përdorur një letërnjoftim të falsifikuar të shtetit të Serbisë me fotografinë e tij, duke futur të dhënat e palës ankuese”, thuhet në raportin e Policisë së Kosovës.
