Flamurin kuq e zi e kishte vendosur para vetës.
Kryetari i ri i Komunës së Fushë Kosovës, Valon Prebreza, kësisoj ishte bërë gati për tu betuar si i pari i kësaj komune.
Por fillimisht betimin e dhanë asamblistët e zgjedhur.
E pas tyre, u betua edhe Prebreza.
Më pas edhe zyrtarisht u bë kryetar me ç’rast mbajti një fjalim para të pranishëm ku edhe kërkojë bashkëpunim nga të gjitha paritë.
“Gjatë këtyre katër viteve kërkojë që ta shtrijmë dorën e bashkëpunimit dhe në mënyrë që të punojnë në të mirën e të gjithë qytetarëve të Fushë Kosovës dhe pa dallim pa hezitim,me një vullnet të plotë, derën hapur do ta keni që të gjithë në mënyrë që projektet në të mirë të qytetarëve të qojmë përpara”, tha kryetari i ri i Fushë – Kosovës.
Pas përfundoi kjo ceremoni, kuvendi komunal shkoi në pauzë 20 minutash, gjatë secilës kryetarit të ri të Fushë Kosovës u dhuruan edhe lule e duartrokitje nga të pranishmit.
Zgjedhja e kryesuesit të Kuvendit Komunal ishte pika e radhës e rëndit të ditës, në të cilën Vetëvendosje propozoj, Vlonjat Hasanaj për kryetar të Asamblesë.
Partia Demokratike dhe Lidhja Demokratike bënë të ditur se nuk do të marrin pjesë në votim.
“Në emër të Partisë Demokratike , ne si PDK nuk do të marrim pjesë në votim, arsyeja për mos marrje në votim është se përderisa ne nuk e dimë se ka një marrëveshje politike ndërmjet partive politike, nuk dëshmojmë me qenë pjesë e marrëveshjeve të fshehta që munden me pas disa kolegë”, tha Mixhan Kolshi nga PDK.
Por, kundër kësaj doli vetë kryetari i degës së PDK-së në Fushë Kosovë, Rrahim Tërranav i cili mori pjesë në votim
Përveç Tërrnavës për votuan edhe Ermal Dumani dhe Aida Alimi nga PDK dhe Burim Berisha nga LDK.
Kësisoj Vlonjat Hasani arriti që të bëhej kryetar i Kuvendit Komunal të Fushë Kosovës me 20 vota për dhe 11 absentime.
“Sot qëndroj para jush me ndjenje e përgjegjësisë e sot me votën tuaj mu besua detyra e kryetarit komunal të Kosovës një rol që nuk është privilegj personal por është një amant publik”, tha ai.
E pasi që kryetari i degës së PDK-së në Fushë – Kosovë votoi kryetarin e asamblesë, reagoi edhe asamblisti i kësaj partie i cili tha që dyshon se Tërrnava ka marrëveshje të fshehur me Vetëvendosjen.
“Kryetari i degës nuk e di pse nuk ka marrë pjesë, nuk e di a është larguar nga dega, apo ka dhënë dorëheqje pra nuk e dijmë nuk ka ardhur në takim, pra nuk e dijmë unë vetëm qëndrim e degës e kam përfaqësuar në Kuvend. Fjalët e Rrahim Tërranvës ishin që nuk do të marrë pjesë në takim dhe nuk e votoj asnjëherë Vetëvendosjen, Na kemi dyshuar edhe më herët se ka marrëveshje të msheftë edhe në balotazh edhe për këtë kemi marrë vendim që mos me votu që më ditë kush është për Vetëvendosjes dhe kush ka qënë me ta”, tha Mixhan Kolshi.
Kurse Tërrnava përmes një përgjigje përmes telefonit i ka thënë televizionit se nuk ka marrëveshje me Vetëvendosje, por nuk deshi të prononcohej para mediave.
