Në margjinat e takimit ministerial A5, SHBA–Kartës së Adriatikut, ministri në detyrë i Mbrojtjes, Ejup Maqedonci, ka zhvilluar një takim bilateral me Drejtorin kryesor për NATO dhe Evropë në Departamentin e Luftës të Shteteve të Bashkuara të Amerikës, Alton Buland.
Gjatë takimit, të dy palët diskutuan për vazhdimin dhe thellimin e bashkëpunimit në fushën e mbrojtjes ndërmjet Republikës së Kosovës dhe Shteteve të Bashkuara.
U vlerësua lart partneriteti strategjik ekzistues, ndërsa u shpreh gatishmëria për zgjerimin e projekteve të përbashkëta, përfshirë zhvillimin e industrisë së mbrojtjes përmes bashkëpunimeve dhe bashkëinvestimeve.
Një pikë tjetër e rëndësishme e diskutimeve ishte rritja e potencialit të Kosovës për kontribut në misionet paqeruajtëse ndërkombëtare, gjë që synon forcimin e rolit të vendit në sigurinë globale.
SHBA-të u riafirmuan si partneri kryesor strategjik në forcimin dhe zhvillimin e kapaciteteve mbrojtëse të Republikës së Kosovës.
𝐌𝐚𝐪𝐞𝐝𝐨𝐧𝐜𝐢 𝐭𝐚𝐤𝐨𝐢 𝐃𝐫𝐞𝐣𝐭𝐨𝐫𝐢𝐧 𝐊𝐫𝐲𝐞𝐬𝐨𝐫 𝐩ë𝐫 𝐍𝐀𝐓𝐎 𝐝𝐡𝐞 𝐄𝐯𝐫𝐨𝐩ë 𝐧ë 𝐃𝐞𝐩𝐚𝐫𝐭𝐚𝐦𝐞𝐧𝐭𝐢𝐧 𝐞 𝐋𝐮𝐟𝐭ë𝐬 𝐬ë 𝐒𝐇𝐁𝐀-𝐬ë, 𝐀𝐥𝐭𝐨𝐧 𝐁𝐮𝐥𝐚𝐧𝐝
