Sulmuesi i Kombëtares së Kosovës, Vedat Muriqi është shpërblyer për paraqitjen fantastike që e pati për Mallorcan në ndeshjen e fundit kampionale.
Mallorca, të shtunën e shkuar barazoi 2:2 kundër Osasunas në kuadër të javës së 14-të në La Liga.
Më i merituari për këtë pikë të fituar të Mallorcas në shtëpi, ishte pikërisht Muriqi, i cili realizoi dy gola.
Muriqi golat i realizoi brenda katër minutave në pjesën e dytë, ndërsa pak ditë më vonë, menjëherë ka zënë vend në formacionin më të mirë të javës në La Liga.
Muriqi është vlerësuar me notën 9.2 në formacionin e javës, ku notën më të lartë se sulmuesi i Kosovës e kishte vetëm Dani Olmo i Barcelonës – 9.5.
31-vjeçari edhe këtë sezon po tregohet tejet i rëndësishëm për Mallorcan, ekip që aktualisht që ka tubuar 13 pikë dhe renditet në pozitën e 16-të.
Në 13 ndeshje të luajtura deri më tani në La Liga, Muriqi ka shënuar 8 gola.
