Ish-kryetari i Partisë Demokratike të Kosovës, Memli Krasniqi, ka ftuar qytetarët e Kosovës që jetojnë jashtë vendit të regjistrohen për votim në zgjedhjet e parakohshme parlamentare që do të mbahen më 28 dhjetor.
Në një postim në Facebook, Krasniqi ka theksuar rëndësinë e vazhdueshme të diasporës për Kosovën, duke e cilësuar rolin e saj si të pazëvendësueshëm.
“Roli juaj për Kosovën ka qenë gjithmonë i pazëvendësueshëm, dhe mbetet i tillë edhe sot. Ju ftoj të regjistroheni për votim deri më 6 dhjetor në diaspora.kqz-ks.org”, ka shkruar ai.
Krasniqi po ashtu i ka ftuar të gjithë bashkatdhetarët që do të jenë fizikisht në Kosovë gjatë ditës së zgjedhjeve të marrin pjesë në proces.
“E ju që do të jeni fizikisht mes nesh, ju mirëpresim krahëhapur dhe me zemrat plot. Le ta bëjmë 28 dhjetorin ditë të bashkimit dhe të fitores sonë”, ka përfunduar ai.
