Pas Ernest Muçit, skuadra e Trabzonsporit po synon ta transferojë një tjetër futbollist shqiptar nga Beshiktashi.
Bëhet fjalë për reprezentuesin e Kombëtares së Kosovës, Milot Rashicën, i cili nuk është në planet e Beshiktashit.
Në fakt, Trabzonspori ka përgatitur një ofertë huazimi për Rashicën duke synuar transferimin e tij në plotë në fund të sezonit aktual.
Trabzonspori në fillim të këtij sezoni e ka huazuar Muçin dhe ka opsionin e blerjes për 9 milionë euro në verë, gjë që pritet edhe ta realizojë.
Te Trabzonspori janë të kënaqur me Muçin dhe duan ta ribashkojnë me Rashicën, që këtë sezon ka 1 gol e 1 asistim në 14 paraqitje në të gjitha garat.
Rashica ka kontratë me Beshiktashin deri në vitin 2027 kurse kartoni i tij vlerësohet rreth 8 milionë euro.
